Deklaratë e Këshillit të Ambasadorëve Shqiptarë lidhur me vendosjen zyrtare të marrëdhënieve diplomatike ne mes të Republikës së Kosovës dhe Shtetit të Izraelit.
Këshilli i Ambasadorëve Shqiptarë përshëndet vendosjen zyrtare të marrëdhënieve diplomatike ne mes të Republikës se Kosovës dhe Shtetit të Izraelit.
Vendosja e marrëdhënieve diplomatike ndërmjet Kosovës dhe Izraelit është një hap i rëndësishëm, diplomatik, historik, kulturor dhe ekonomik ne mes të dy vendeve.
Kjo marrëveshjeje e bën Izraelin shtetin e 117 që e njeh Republikën e Kosovës si shtet sovran dhe të pavarur.
Me vendosjen e marrëdhënieve diplomatike me Izraelin, shteti i Kosovës shënon konsolidim në arenën ndërkombëtare duke krijuar miq të rinj edhe në Lindjen e Mesme.
Akti i lidhjes së marrëdhënieve diplomatike hap rrugën për thellimin e bashkëpunimit dypalësh ndërinstitucional në të gjitha fushat e interesit të përbashkët.
Kjo ngjarje historike konfirmon edhe njëherë miqësinë shqiptaro-izraelite.
Mirënjohje dhe falënderim për Shtetet e Bashkuara të Amerikës për të gjithë mbështetjen e dhënë deri ne realizimin e kësaj marrëveshje.
