Këshilli i Ambasadorëve Shqiptarë mbi Marrëveshjen e Gazës dhe Lirimin e Pengjeve.

Tiranë, 13 Tetor 2025

Këshilli i Ambasadorëve Shqiptarë mirëpret marrëveshjen e ndërmjetësuar nga Presidenti Trump dhe ndërmjetës të tjerë ndërkombëtarë, e cila çoi në një Plan prej 20 pikash për armëpushimin në Gaza dhe lirimin e pengjeve izraelite, të gjallë dhe të ndjerë. Ky zhvillim përbën një hap jetik drejt ndalimit të vuajtjeve njerëzore.

Ne vlerësojmë ndërmjetësit, veçanërisht administratën Trump, si dhe të gjitha palët për përkushtimin e tyre, dhe nxisim zbatimin e plotë të marrëveshjes, duke krijuar kushtet për një paqe të qëndrueshme midis Izraelit dhe Palestinës, duke i inkurajuar drejt një zgjidhjeje me dy shtete.

Këshilli i Ambasadorëve Shqiptarë u bën thirrje vendeve të bashkësisë ndërkombëtare të mbajnë gjallë këtë moment dhe të mbështesin një paqe të qëndrueshme, të bazuar në parimet e së drejtës ndërkombëtare dhe Kartës së OKB-së.